కొడిగడుతున్న ఆశలకు కోదండరామ్ సారే దిక్సూచి – సన్మాన సభలో TGEJAC అగ్రనేతలు

TGO NEWS (SEP. 24) : TGEJAC FACILITATES MLC PROF. KODANDARAM. TGEJAC ఆధ్వర్యంలో ఈరోజు ఎమ్మెల్సీ, ప్రొపెసర్ కొదండరాం సారు ను ఘనంగా సన్మానించారు.

ఈ సందర్భంగా ఆగ్ర నేతలు మాట్లాడుతూ… తెలంగాణ మేధో ఉద్యోగ సమాజానికి దీప స్తంభంగా కోదండరాం సార్ నిలుస్తున్నారు. సార్ అనే గౌరవ పిలుపుకు మహోన్నత విలువను సంతరింప చేసిన వారిలో జయ శంకర్ ఆ తర్వాత కోదండరాం లు ప్రతీకగా ఉన్నారని అన్నారు . సబ్బండ వర్గాల ప్రజల ఆకాంక్షల నెరవేర్చటానికి కోదండరాం సార్ ను ఒక వారధిగా తెలంగాణ సమాజం చూస్తున్నదని TGEJAC అగ్రనేతలు మారం జగదీశ్వర్, ఏలూరి శ్రీనివాసరావు అన్నారు .

TGEJAC FACILITATES MLC PROF. KODANDARAM.

ఉద్యోగులను ఉత్తేజపరచి తెలంగాణ ఉద్యమ మార్గం పట్టించిన కోదండరాం సార్ పై ఉద్యోగుల అపరిష్కృత డిమాండ్లను నెరవేర్చే భాద్యత ఉందన్నారు . పది లక్షల మంది ఉద్యోగ సంఘాలు ఒకే వేదికగా ఏర్పడిన టి జి ఈ జాక్ సమావేశాలు ప్రాతినిధ్యాలతో ప్రభుత్వం దృష్టికి పలు సమస్యలను నివేదించామని అన్నారు.

కోదండరాం సార్ స్పందన

సమస్యలకు పరిష్కారం కోసం తోవ వెతుక్కునే కార్యక్రమంగా నా సన్మానం నిర్వహించిన మిత్రులకి అభినందనలు. ఉద్యోగ మిత్రులను చూస్తే పాలపిట్టను చూసిన సంబురంగా ఉంది. అన్ని న్యాయ సమ్మతమైన డిమాండ్లకు నా వంతుగా వారధిగా కృషి చేస్తాను .
పరస్పర గౌరవం సహకారంతో ప్రభుత్వం ఉద్యోగులు సమస్యల పరిష్కారం కొనసాగాలని అన్నారు..

యువత రైతులు విద్యార్థులు కూలీలు ఉద్యోగులు నిస్వార్థంగా తెలంగాణ కోసం పోరాడారు . అందరి ఆకాంక్షలు నెరవేరే కార్యక్రమానికి నా వంతుగా పూనుకుంటాను . అందరితో మెప్పించి ఒప్పించి పనులను చేసుకుందామని పిలుపునిచ్చారు.

రిపోర్ట్
అస్నాల శ్రీనివాస్