- జాఫర్ గూడలో ఇంజనీర్లు, రెవెన్యూ సిబ్బందిపై దాడిని ఖండిస్తున్నాం
- నిందితులపై చర్యలు తీసుకోకుంటే కార్యాచరణ ప్రకటిస్తాం
- తెలంగాణ ఉద్యోగసంఘాల జేఏసి
TGO NEWS (DEC.16) : TGEJAC CONDEM THE ATTACKS ON GOVERNMENT EMPLOYEES. ప్రభుత్వ అధికారులపై భౌతిక దాడులను అరికట్టాలని తెలంగాణ ఉద్యోగ సంఘాల జేఏసి చైర్మన్ మారం జగదీశ్ , సెక్రటరీ జనరల్ ఏలూరి శ్రీనివాస రావు ప్రభుత్వాన్ని విజ్ఞప్తి చేశారు.
TGEJAC CONDEM THE ATTACKS ON GOVERNMENT EMPLOYEES.
ఈ మేరకు సోమవారం సోమాజిగూడ ప్రెస్ క్లబ్లో ఏర్పాటు చేసిన విలేకరుల సమావేశంలో వారు మాట్లాడుతూ గతవారం అబ్దుల్లాపూర్మెట్ జాఫర్గూడలోఓ ప్రైవేట్ కళాశాల యాజమాన్యం ఇరిగేషన్ ఏఈఈ, వర్క్ ఇన్స్పెక్టర్, లష్కర్, రెవెన్యూ సిబ్బందిపై సుమారు 30 మంది బౌన్సర్లతో దాడి చేయించి వారి సెల్ఫోన్ లాక్కొని చిత్రీకరించిన వీడియోను డిలీట్ చేసి వారిని భయబ్రాంతులకు గురిచేశారన్నారు.
చెరువుల ఆక్రమణలు, ఎఫ్ఎటీఎల్, బఫర్ జోన్లలో ఎలాంటి నిర్మాణాలు జరుగకుండా ఇంజనీర్లు బాధ్యతాయుతంగా విధులు నిర్వహిస్తున్నారని, అలాంటి క్రమంలో వారి విధులకు ఆటంకం కల్పిస్తూ భౌతిక దాడులు చేయడం హేయమైన చర్య అని విమర్శించారు. దాడి చేసిన వారిపై ప్రభుత్వం కఠిన చర్యలు తీసుకోవాలని లేనిపక్షంలో ఉద్యగ సంఘాల కార్యాచరణ ప్రకటిస్తామని తెలిపారు.
ఈ సమావేశంలో టీజీవో ప్రధానకార్యదర్శి సత్యనారాయణ, టీఎన్జీవో ప్రధానకార్యదర్శి ముజీబ్, టైగర్స్ అసోసియేషన్ అధ్యక్షులు నూనె శ్రీధర్, ఉపాధ్యక్షులు వి.ప్రకాశ్, కార్యదర్శి టీవీ ప్రసాద్, హైదరాబాద్ ఇంజినీర్స్ అసోసియేషన్ అధ్యక్షులు ఏఎస్ఎన్ రెడ్డి, కార్యదర్శి చక్రధర్, ఏటీఏఈఈ అసోసియేషన్ అధ్యక్ష, కార్యదర్శులు బండి శ్రీనివాస్, నాగరాజు, సంతోష్ రెడ్డి, శ్రీకాంత్, సిద్దార్త్ గౌస్, టీఎనీవో రాష్ట్ర అసోసియేట్ అధ్యక్షులు కస్తూరి వెంకటేశ్వర్లు, ఫోర్డ్ క్లాస్ ఎంప్లాయిస్ అసోసియేషన్ రాష్ట్ర అధ్యక్షులు జ్ఞానేశ్వర్, ఇరిగేషన్ డిప్లమా ఇంజనీర్ అసోసియేషన్ ప్రెసిడెంట్ రవీందర్ రెడ్డి, సెక్రటరీ అనిల్ తదితరులు పాల్గొన్నారు.
