TGO NEWS (JAN. 03) : TGOS DIARY and CALENDAR UNVEILED BY CM REVANTH REDDY. తెలంగాణ గెజిటెడ్ అధికారుల సంఘము 2025 డైరీ, కేలండర్ ను డాక్టర్ బి ఆర్ అంబేద్కర్ సచివాలయంలో ముఖ్యమంత్రి రేవంత్ రెడ్డి ఈరోజు ఆవిష్కరించారు.
TGOS DIARY and CALENDAR UNVEILED BY CM REVANTH REDDY
ఈ సందర్భంగా సీఎం మాట్లాడుతూ… ప్రజాపాలన లక్ష్యాలను ప్రజలకు చేరవెయ్యడంలో అధికారులు నిబద్ధతతో కృషి చేస్తున్నారని అన్నారు. ప్రభుత్వ ఉద్యోగులు సమాజంలో మంచి హోదా, సామాజిక భద్రతలో ఉన్నారని, విధుల నిర్వహణలో రాజ్యాంగ లక్ష్యాలను హృదయంగా భావించాలని కోరారు. అభివృద్ధి సంక్షేమ సారదులు ఉద్యోగులే వారే ఆదాయం పెంచాలి, పెంచిన ఆదాయాన్ని పంచాలి. ఆర్ధిక వనరులు పెంపు కోసం మరి కొంత సమయం కావాలి. సంక్షేమ పథకాల నిజమైన లబ్ధిదారులకు చేరడం అధికారుల బాధ్యతగా ఉండాలి. ఈ వెలుగులో ఉద్యోగులు పని చేయాలని తెలిపారు.
ఉద్యోగుల సమస్యలు పరిష్కారం కోసం ప్రభుత్వం పారదర్శకంగా పని చేస్తుందని, చెయ్యగలిగింది అంతా చేస్తుందని .ప్రేరేపిత నిరసన ఉద్యమాలు అవసరాలు రాకుండా చూసుకోవాలి. మేము చర్చకి సిద్ధం ప్రతిదీ పరిష్కారానికి ప్రయత్నం చేస్తామని తెలిపారు.
ఈ ఆవిష్కరణ సభకు అధ్యక్ష్యత వహించిన టి జి ఓ అధ్యక్ష్యుడు ఏలూరి శ్రీనివాసరావు మాట్లాడుతూ.. తెలంగాణ ఉద్యోగ సేవల, ప్రజా ఉద్యమాల నిర్మాణములో టి జి ఓ చారిత్రాత్మక పాత్ర పోషించిందని తెలిపారు. 2007 లో ఏర్పడిన టి జి ఓ 2024 నాటికి 18 ఏండ్లు పూర్తి చేసుకుందని తెలిపారు. వృత్తి నిబద్ధత, ప్రజలకు సేవ చేయడంలో దివ్యత్వం, ప్రజల సమస్యలకు స్పందించడం, వారి ఆకాంక్షలకు అనుగుణంగా పనిచేయడం టి జి ఓ ను నడిపిస్తున్న ఆదర్శాలు అని అన్నారు. తెలంగాణ నిర్మాణంలో ఉద్యమ స్ఫూర్తితో అదనపు గంటలు పని చేస్తూ గెజిటెడ్ అధికారులు ఆదర్శంగా నిలుస్తున్నారని అన్నారు.
సి యం రేవంత్ రెడ్డి ప్రజాపాలన లక్ష్యాలను ప్రజలకు చేరవేయడంలో, ఫలితాలను సాధించడంలో, విజయోత్సవాల నిర్వహణలో ఉద్యోగులు నిబద్ధతతో పాల్గొన్నారు. ప్రజా ప్రభుత్వం ఏ మాత్రం అలసత్వం లేకుండా ఉద్యోగుల మౌలిక సమస్యలను పరిష్కారం చేయాలని కోరారు. ఈ సందర్భంగా సత్వర పరిష్కారం కోసం కొన్ని కీలక సమస్యలను సి యం రేవంత్ రెడ్డి దృష్టికి తీసుకవచ్చారు.
ఉద్యోగులు తమ కుటుంబ, విద్యా , వైద్య అవసరాలకు పొదుపు చేసుకున్న డబ్బులు అవసరాలకు కావాల్సిన సమయంలో అందకుండా ఉంటున్న పరిస్థితి గత కొన్ని సంవత్సరాలుగా కొనసాగుతుంది. దీని వల్ల ఉద్యోగ కుటుంబాలు సంక్షోభాలకు లోనయ్యి తీవ్ర మానసిక శారీరక వేదనకు గురవుతున్నారు.
24/10/24 రోజున ముఖ్యమంత్రి రేవంత్ రెడ్డి గారితో జరిగిన ఉద్యోగుల సమావేశంలో 15 రోజులలో పెండింగ్ బిల్స్ క్లియర్ చేస్తామని హామీ ఇచ్చారు .కానీ వాటిలో 10% కూడా బిల్లులను క్లియర్ చేయలేదు, యుద్ధ ప్రాతిపదికన 2022 నుండి పెండింగ్ లో ఉన్న బిల్స్ ను క్లియర్ చేయాలని కోరారు.
ఈ కుబేర్ రద్దు చేసి ట్రెజరీ శాఖ ద్వారా బిల్స్ ను చెల్లించే పాత వ్యవస్థను పునరుద్ధరించాలి.
-1/1/23,1/7/23,1/1/24,1/7/24 లలో ఇవ్వాల్సిన నాలుగు కరువు భత్యాలను వెంటనే విడుదల చేయాలి.
శివశంకర్ చైర్మన్ వేతన సవరణ కమిటీ నుండి త్వరగా నివేదికను తెప్పించుకుని రెండు కరువు భత్యాలను కలిపి, 400% ఫిట్ మెంట్ తో వేతన సవరణను ప్రకటించాలి.
ఉద్యోగులు, పెన్షన్ దారులు, ప్రభుత్వం సమాన సహకారంతో ఉద్యోగుల ఆరోగ్య పథకం అమలు చేయాలని కోరారు.
ఈ సమావేశంలో ఉప ముఖ్యమంత్రి భట్టి విక్రమార్క, మంత్రులు ఉత్తమ్ కుమార్ రెడ్డి, కోమటి రెడ్డి వెంకట్ రెడ్డి, సలహాదారు వెం నరేందర్ రెడ్డి, పీసీసీ చీఫ్ మహేష్ కుమార్ గౌడ్, శాసనసభ్యులు నాయని రాజేందర్ రెడ్డి, టీజీఓ ప్రధాన కార్యదర్శి సత్యనారాయణ, సహ అధ్యక్ష్యుడు శ్యామ్, రాష్ట్ర నేతలు ఉపేందర్ రెడ్డి, జగన్మోహన్ రావు, సహదేవ్, రామకృష్ణ గౌడ్, దీపారెడ్డి, సుజాత, పరమేశ్వర్ రెడ్డి, అస్నాల శ్రీనివాస్‌, 33 జిల్లాల టీజీఓ అధ్యక్ష్య, కార్యదర్శులు పాల్గొన్నారు.
