ప్రయోగశాలలు పాఠశాలల మెదళ్లు

• టిజిఓ రాష్ట్ర ప్రచారం కార్యదర్శి అస్నాల శ్రీనివాస్

TGO NEWS (ఫిబ్రవరి 28) : Laboratories are schools master brains – Asnala Srinivas. సైన్స్ అంటే సత్యమని అది నిరూపణకు నిలబడుతుందని ప్రముఖ విద్యావేత్త రచయిత , తెలంగాణ గెజిటెడ్ అధికారుల సంఘం కార్యదర్శి అస్నాల శ్రీనివాస్ అన్నారు. జిల్లా పరిషత్ ఉన్నత పాఠశాల బచ్చన్నపేట లో హరిచరణ్ తేజ వారి తండ్రి రాఘవరాజు స్మరణలో అందించిన యాభై వేల రూపాయల ఆర్ధిక సహకారంతో ఏర్పాటు చేసిన ప్రయోగశాలను రాఘవరాజు కూతురు శరత్కల తో కలసి ప్రారంభించారు.

Laboratories are schools master brains – Asnala Srinivas.

సైన్స్ డే ,సి వి రామన్ జయంతి సందర్భంగా ఏర్పాటు చేసిన ఈ సమావేశంలో కీలకోపన్యాసం చేసిన శ్రీనివాస్ మాట్లాడుతూ…. ప్రయోగశాలలు పాఠశాల మెదళ్లుగా ఉంటాయని అన్నారు.మానవజాతి చరిత్రలో తిని కూర్చుని బతకడం కాదని అనుకున్నవారే మానవ ప్రగతి కోసం పని చేసి నూతన ఆవిష్కరణలకు చేశారని అన్నారు .బాల్యానికి శిక్షణ యవ్వనానికి క్రమశిక్షణ ఇవ్వడంలో శాస్త్రీయ పరిజ్ఞానం అన్వేషణ వైఖరులు తోడ్పడతాయని అన్నారు .
సైన్స్ ను మతంగా భావించిన దేశాలు అగ్రస్థానంలో ఉన్నాయని అన్నారు .భారతీయ సైన్స్ మూలాలు బౌద్ధ ,ఉపనిషత్ లలో ఉన్నాయని అవి ఎవరో ఏదో చెప్పారని నమ్మకూడదని ప్రశ్నించి సత్యమని నిర్ధారణ తర్వాత ఆచరించాలని అని చెప్పాయని అన్నారు .ప్రశ్నించడంతో జ్ఞానోదయం అవుతుందని అది మెదడులో వెలుగు నింపుతుందని ఇదే శాస్త్ర జ్ఞానం వికాసానికి దారితీస్తుందని అన్నారు .నిత్య జీవిత అనుభవాలు పరిశీలనలలో శాస్త్ర సూత్రాలను అన్వయించుకోవాలని అన్నారు .మూఢ నమ్మకాలను విడనాడాలని కోరారు .సాంకేతిక జ్ఞాన విస్ఫోటనం వలన మానవుడిలాగా ఆలోచించే రోబోటిక్స్ తయారవుతున్నాయని కావున విద్యార్థులు నిత్య అధ్యయనం ప్రయోగాలతో తమ నైపుణ్యాలను పెంపొందించుకోవాలని సూచించారు.విద్యార్థులు అడిగిన పలు సందేహాలకు సమాధానాలు ఇచ్చారు .తమ సొంత పిల్లల మాదిరిగా విద్యార్థుల వికాసం కోసం అనేక సౌకర్యాలు కల్పిస్తున్న ఉపాధ్యాయ బృందాన్ని ,సమాజానికి తిరిగి చెల్లించి వెలుగులో ప్రయోగశాల ఏర్పాటు కు సహకరించిన హరిచరణ్ తేజను అభినందించారు.

ఈ కార్యక్రమంలో ప్రధానోపాధ్యాయులు నరసింహ రెడ్డి మండల విద్యాధికారి వెంకట్ రెడ్డి ఉపాధ్యాయులు తుర్కపల్లి యాదగిరి ,బాలరాజు నిర్మల పృథ్వీరాజ్ మరియు విద్యార్థులు పాల్గొన్నారు