తత్వవేత్త పాలకుడైతే – మన్మోహన్ సింగ్ కు నివాళి వ్యాసం : అస్నాల శ్రీనివాస్

TGO NEWS (DEC. 27) : An essay on Manmohan singh by asnala srinivas. ప్లేటో తన రిపబ్లిక్ గ్రంధంలో ‘తత్వవేత్తలు పాలకులుగా ఉంటే ఒనగూరే ప్రయోజనాలను ఈ విధంగా చెప్పారు.’తత్వవేత్తలు సునిశిత మేధో శక్తిని,లోతైన అవగాహ్నని,విజ్ఞతని కలిగి ఉంటారు, హేతువు,తర్కం,వాస్తవికత ల ఆధారంగా నిర్భయంగా నిర్ణయాలు తీసుకుంటారు.ఇవి వారి వ్యక్తిగత ప్రయోజనాలకు, దురాశకు కాకుండా ,అవి అంతిమంగా ప్రజల విశాల ప్రయోజనాలకు తోడ్పడతాయి.’

An essay on Manmohan singh by asnala srinivas

స్వతంత్ర భారత్ లో అధికారాన్ని చేపట్టిన ప్రధాన మంత్రులలో నెహ్రూ, పీవీల తర్వాత పై దార్శనికత అమలుకు నిలువెత్తు రూపంగా మాజీ ప్రధాని మన్మోహన్ సింగ్ నిలుస్తారు. అవిభక్త భారత్ లో పాకిస్థాన్ పంజాబ్ ప్రావిన్స్ లోని ఘా అనే గ్రామంలో జన్మించిన మన్మోహన్ తన పాఠశాల విద్యను పెషావర్ లో పూర్తి చేసుకున్నాడు.దేశ విభజన కాలంలో కుటుంబంతో పంజాబ్ కు చేరుకున్నారు. ఎకనామిక్స్ లో ఉన్నత విద్యను ప్రఖ్యాత కేంబ్రిడ్జ్ యూనివర్సిటీలో ఇతిహాసిక ఆర్థికవేత్తలు రాబిన్సన్, నికోలాస్ ల మార్గదర్శనంలో పూర్తి చేసుకున్నారు.ప్రాచీన మధ ,ఆధునిక భారతంలో ,ప్రపంచ మార్కెట్ లో భారత్ వాటా.ఎగుమతుల పై తన పి హెచ్ డి పట్టాను పొందాడు.

తత్వవేత్తలు సునిశిత మేధో శక్తిని, లోతైన అవగాహ్నని, విజ్ఞతని కలిగి ఉంటారని ప్లేటో పేర్కొన్నారు. – అస్నాల శ్రీనివాస్

పంజాబ్ యూనివర్సిటీలో అధ్యాపక వృత్తిని చేపట్టాడు, అనతి కాలంలో అతని ప్రతిభ కేంద్ర పాలకులకు చేరింది. 1972లో ఇందిర గాంధీ ప్రధానిగా ఉన్న సమయంలో ఆర్థిక శాఖ మంత్రిగా ఉన్న యశ్వంత్ చవాన్ తన ఆర్థిక సలహాదారుగా నియమించుకున్నాడు. ఆ తర్వాత ఆర్థిక శాఖా కార్యదర్శిగా ,ప్రణాళిక సంఘ సభ్యుడిగా,రిజర్వ్ బ్యాంక్ గవర్నర్ గా కొనసాగాడు. పి వి ప్రధాని హయాంలో {1991-1996} ఆర్థిక శాఖ మంత్రిగా కొనసాగాడు. పారిశ్రామిక అనుమతుల పై ఉన్న కఠిన ఆంక్షలను తగ్గించాడు. విదేశీ పెట్టుబడులను ఆహ్వానించాడు. పడిపోతున్న రూపాయి విలువను నిలువరించి విలువను పెంచాడు. ఆర్థిక సంస్కరణల ఆద్యుడిగా నిలిచాడు. సరళీకృత విధానాలతో మార్కెట్ విస్తృతిని పెంచాడు. వీటితో ఉద్యోగ ఉపాధి అవకాశాలు అనూహ్యంగా పెరిగాయి.

స్వతంత్ర భారత్ లో అధికారాన్ని చేపట్టిన ప్రధాన మంత్రులలో నెహ్రూ, పీవీల తర్వాత పై దార్శనికత అమలుకు నిలువెత్తు రూపంగా మాజీ ప్రధాని మన్మోహన్ సింగ్ నిలుస్తారు. – అస్నాల శ్రీనివాస్

1991 లో ఆర్థిక మంత్రిగా బడ్జెట్ ను ప్రవేశపెడుతూ చేసిన వ్యాఖ్యలు తన ఆత్మ విశ్వాసానికి, అచంచల దేశభక్తికి నిదర్శనంగా నిలుస్తాయి. కాలం నిర్ణయించిన, కాలం అందించిన గొప్ప భావనను భూమి పై ఏ శక్తి ఆపలేదు. ఆ భావన ఏమిటంటే “ప్రపంచమా చెవులు రిక్కరించి వినండి, ఆత్మ న్యూన్యత నుండి, అభివృద్ధి మందగమనం నుండి భారత్ మేల్కొంది, మేము అధిగమిస్తాము. మేం విజయం సాధిస్తాము”

ఆర్థిక సంస్కరణల ఆద్యుడిగా నిలిచాడు. సరళీకృత విధానాలతో మార్కెట్ విస్తృతిని పెంచాడు. వీటితో ఉద్యోగ ఉపాధి అవకాశాలు అనూహ్యంగా పెరిగాయి. – అస్నాల శ్రీనివాస్

2004లో కాంగ్రెస్ అధికారంలోకి వచ్చిన తర్వాత గాంధీ కుటుంబము మన్మోహన్ సింగ్ ను ప్రధానిగా చేసింది. ఆక్సిడెంటల్ ప్రధానిగా ముద్రపడిన ఆ తర్వాత కాంగ్రెస్ పార్టీ విజన్ ను.ఐక్య ప్రగతిశీల కూటమి అధ్యక్షురాలిగా ఉన్న సోనియా గాంధీ సలహామండలి సహకారంతో పలు విప్లవాత్మక పాలన మార్పులను,పథకాలను ప్రవేశపెట్టారు. ఇవి చరిత్రలో నిలిచిపోయే మైలు రాళ్ళుగా నిలిచిపోతాయి.

“ప్రపంచమా చెవులు రిక్కరించి వినండి, ఆత్మ న్యూన్యత నుండి, అభివృద్ధి మందగమనం నుండి భారత్ మేల్కొంది, మేము అధిగమిస్తాము. మేం విజయం సాధిస్తాము” అని మన్మోహన్ పేర్కొన్నారు. – అస్నాల శ్రీనివాస్

అభివృద్ధి కోసం,పరిశ్రమలు,పలు ప్రాజెక్టులు అమలు కోసం భూమి సేకరణ కీలకం.భూ సేకరణ ప్రక్రియ రైతాంగం నుండి తీవ్ర ప్రతిఘటన రావడం జరుగుతుంది.హింసాత్మక సంఘటనలు జరుగుతున్న కాలం. ఈ నేపథ్యంలో మన్మోహన్ సింగ్ తీసుకవచ్చిన చట్టం ప్రజాస్వామిక చరిత్రలో అపురూప ఘట్టం.భూ సేకరణ ,పరిహార పునరావాస చట్టం 2013 తీసుకవచ్చారు, దీని ప్రకారం సాగు భూములు సేకరించరాదు. సేకరించిన భూములకు మార్కెట్ విలువ కంటె నాలుగు రేట్లు ఎక్కువ నష్ట పరిహారం ఇవ్వాలి. నిరాశ్రయులకు మళ్లీ అన్ని సౌకర్యాలతో పునరావాసం కల్పించాలి.దీనిని ఆచరిస్తే శాంతియుత అభివృద్ధి వికాసంకు దోహదపడుతుంది.

గ్రామీణ రైతాంగ కూలీల వినియోగ శక్తిని పెంచడానికి మహాత్మా గాంధీ ఉపాధి హామీ కల్పన పథకాన్ని ఏర్పాటు చేసి అమలు చేసారు. వంద రోజుల పని తో గ్రామీణ శ్రామికులలో వినియోగ సామర్థ్యం పెరిగి ,జీవన ప్రమాణాలు మెరుగుపడ్డాయి.పరోక్షంగా గ్రామీణ రైతాంగ సాగునీరు సౌకర్యాలు,అటవీ పెరుగుదల తో పాటు పారిశ్రామిక రేటు పెరగడానికి దోహదపడింది.పలు సామాజిక సూచికలలో మెరుగైన స్థానాలకు చేరుకుంది.

గ్రామీణ రైతాంగ కూలీల వినియోగ శక్తిని పెంచడానికి మహాత్మా గాంధీ ఉపాధి హామీ కల్పన పథకాన్ని ఏర్పాటు చేసి అమలు చేసారు. – అస్నాల శ్రీనివాస్

మన్మోహన్ కాలంలో మరో విప్లవాత్మక చట్టం.. సమాచార హక్కు చట్టం .పాలనలో పాలకుల పారదర్శకత, జవాబుదారీతనం పెంచడం కోసం ఏర్పాటు చేసారు. దీనితో పాటు ఆహార భద్రత చట్టంను అమలు చేసి ప్రజల జీవించే హక్కును,సంక్షేమాన్ని సమున్నతంగా నిలబెట్టారు.

అవినీతి ఆరోపణలు ఎదుర్కొన్న తన సహచర మంత్రులను అరెస్ట్ చేసి విచారించడానికి పూనుకున్న అరుదైన అంశాలకు సింగ్ తార్కాణంగా నిలిచారు.1984 ఇందిరా గాంధీ హత్య తర్వాత సిఖ్ ప్రజలపై జరిగిన అమానుష మారణ కాండకు క్షమాపణ చెప్పి ఆ వర్గ ప్రజల ఆవేదనను ఉపశమనం కలిగించారు.

మన్మోహన్ కాలంలో మరో విప్లవాత్మక చట్టం.. సమాచార హక్కు చట్టం .పాలనలో పాలకుల పారదర్శకత, జవాబుదారీతనం పెంచడం కోసం ఏర్పాటు చేసారు. – అస్నాల శ్రీనివాస్

విదేశాంగ విధానంలో పాకిస్థాన్ తో సత్ సంబంధాలు. అమెరికాతో అణు ఒప్పందం మైలురాళ్లుగా నిలిచిపోతాయి. వేగంగా అభివృద్ధి చెందుతున్న దేశాల కూటమి జి -20 ఏర్పాటులో ప్రధానపాత్ర పోషించాడు.

ఒకానొక సందర్భంలో సింగ్ మాట్లాడుతూ ‘మీడియా, ప్రతిపక్షాలు తన పై నిర్దయగా ప్రవర్తించిన .. చరిత్ర మాత తన పట్ల దయ చూపిస్తుంది.” – అస్నాల శ్రీనివాస్

ఒకానొక సందర్భంలో సింగ్ మాట్లాడుతూ ‘మీడియా, ప్రతిపక్షాలు తన పై నిర్దయగా ప్రవర్తించిన ..చరిత్ర మాత తన పట్ల దయ చూపిస్తుంది.”తన బిడ్డ జ్ఞానంతో ,అంతరంగం ఆచరణతో భూతల్లి ఎదపై నడయాడిన,భూతల్లి ఒడిలో చేరిన తన అపురూప ప్రియతమ పుత్రుడిని చరిత్ర మాత మురిసిపోతున్నది.ముద్దాడుతున్నది.తను మన పై ఉంచిన భాద్యతలను మోయమంటున్నది. కొనసాగించమంటున్నది. తాను దేశానికి అందించిన ప్రజా అనుకూల చట్టాలను ,ఇచ్చిన మార్గాన్ని విస్మరిస్తున్నవారిని నిర్మోహటంగా ఈసడించుకోవడమే మనం మన్మోహనుడికి ఇచ్చే గొప్ప నివాళి.

వ్యాసకర్త : అస్నాల శ్రీనివాస్
టీజీఓ న్యూస్ సంపాదకులు