జీవన సౌరభాన్ని వెదజల్లిన టీజీఓ బత్కమ్మ సంబురాలు – గోరటి అరుణ కుమారి.

TGO NEWS (OCT. 08) : Bathukamma celebrations in TGO office hyderabad. ప్రపంచ పటంలో తెలంగాణను వెలుగు శిఖరంగా నిలబెట్టిన సాంస్కృతిక పతాక మన బత్కమ్మ. డెక్కన్ పీఠభూమి కొండగుర్తు. మన జవ జీవ అస్తిత్వ ఆత్మ మన బత్కమ్మ .మానవ నాగరికతా వికాసంలో సుస్థిర సమ్మిళిత తాత్వికతను, ప్రకృతిని అర్థం చేసుకుని దాని పరిరక్షణలోనే సమస్త జీవరాశుల మనుగడ ఉందని అనే సందేశాన్ని ప్రపంచ మానవాళికి అందించిన పూల పండుగ బతకమ్మ. సమస్త మానవ ఉద్వేగాల కలబోతల కూడలి మన బత్కమ్మ.

Bathukamma celebrations in TGO office hyderabad

తేదీ 8/10/24 న తెలంగాణ గెజిటెడ్ అధికారుల సంఘ కేంద్ర కార్యాలయ ఆవరణలో టీజీఓ నిర్వహించిన బత్కమ్మ సంబురాలు నగర గగనాన్ని హరివిల్లుగా మార్చాయి. అధిక సంఖ్యలో తరలి వచ్చిన మహిళా అధికారులతో వారి ఆహార్య వచనాలతో వైవిధ్య అరణ్యమే రూపు దిద్దుకున్న చందంగా మారింది.శ్రామిక మహిళల సంపద సృష్టించే మహిళల హృదయాల నుండి ఉద్భవించిన జన జీవిత మాధుర్యాన్ని అందించే పాటల హోరుతో భావోద్వేగ వదనాలతో మయూర మేని కదలికలతో ఆనంద సంతోషాలను పొందిన వైనం ప్రతి ఒక్కరిలో కనిపించింది. మళ్లీ బత్కమ్మ వచ్చే వరకు కావలసిన నూతన శక్తిని ఉత్సాహాన్ని సంతరింపచేసుకున్నారు.

బతకమ్మ ఆడుకోవడం ఎక్కువగా ఆడబిడ్డలకు పరిమితమైన, ఈ వేడుకకు కావలసిన తీరొక్క పువ్వులను సేకరించడం, పేర్చడంలో వేదిక ఏర్పాటులో తమ సోదరీలకు సహకరించడంలో అన్న తమ్ముళ్లే కీలక పాత్ర పోషిస్తారు.ఈ బాధ్యతను పెద్దన్న సారధి ఏలూరి శ్రీనన్న అధ్వర్యంలో సత్యమన్న, పరమేశ్వర్ రెడ్డి, శ్యామన్న, సహదేవ్, రామారావు అన్నల క్రియాశీలకతతో అహా అనిపించే తీరులో లీనమయ్యి పని చేసారు. తమ సంఘ ఆడబిడ్డల ఆట పాటలలో తమ సంతోషాన్ని అనుభూతి చెందారు.

టీజిఓ నిర్వహించిన పూల నౌకల జాతరకు ప్రత్యేకతను విశిష్టతను మరింత పెంచిన అంశం మంత్రి అనసూయ సీతక్క ముఖ్య అతిథిగా రావడం బతకమ్మ పుట్టినిల్లు తెలంగాణ సాంస్కృతిక రాజధాని ఓరుగల్లు తనయ, అరణ్య గర్భం నుండి ఎదిగి, రామప్ప లక్నవరం చెరువులు నీటికి నడకను నేర్పిన సెలయేర్ల జలపాతాల సవ్వడిని తన పనులలో నవ్వులో నింపుకున్న తన జీవన యానానికి బత్కమ్మ పండుగ స్పూర్తిని తన వ్యక్తిత్వానికి సంతరింపచేసుకున్న సీతక్క ను ఆత్మీయంగా ఆహ్వానం పలికారు. టీజీఓ ప్రాంగణము చేరుకోగానే సప్త స్వరాక్షర సందడి హోరెత్తింది. బతకమ్మ అందించే సహజ సౌందర్యాత్మకత, జీవన, శబ్ద, మానవీయ గుభాళింపుల ప్రతీక సీతక్క ప్రవేశంతో ప్రాంగణం పులకరించింది. సీతక్కతో పాటు కలసి పని చేసిన విప్లవోద్యమ సోదరి బండ్రు శోభారాణి మహిళా సహకార చైర్ పర్సన్ కూడా వేడుకకు హాజరయ్యారు. టీజీఓ మహిళా అగ్ర నేతలు దీపారెడ్డి, శిరీష, రేవతి, శ్రీలీల, సునీతా జోషి, సబిత, సుజాత, లావణ్య, జ్యోతి అలివేలు నేతృత్వంలో సీతక్కకు స్వాగతం పలికారు.

సీతక్క మాట్లాడుతూ చెరువుల వలన ప్రజల జీవితాలు సుభిక్షంగా ఉంటాయి. చెరువులకు పూలతో కృతజ్ఞతలు తెలిపే పండుగ. ఇది చెరువుల పండుగ, పూల జీవితం ధన్యమయ్యే పండుగ.చెరువులను కాపాడుకుందాము. భవిష్యత్ తరాలకు విలువైన సంస్కృతినీ.సురక్షిత ప్రకృతిని అందిద్దాము.బత్కమ్మ అందరి పండుగ.తమ ప్రజా పాలనకు స్పూర్తి. బత్కమ్మ ఆత్మ ను ప్రతిఫలించే ఇంత మంచి ఏర్పాట్లు చేసిన సంఘ సభ్యులకు, కళాకారులకు ప్రతి ఒక్కరికి ధన్యవాదాలు .ఉన్నత అధికారులు ఉండే టీజీఓ సంఘంలో ఉన్నత ఆలోచనలు మూలాలు మారవని వ్యక్తిత్వం ఉన్న మహిళా అధికారులు ఉండడం సంతోషకరం. ఉద్యోగ విధులను జాగ్రత్తగా నిర్వహిస్తు సమాజాంలో కుటుంబంలో ఆనందం వెల్లివిరిసే విధంగా పని చేయాలని కోరారు. తనకున్న పరిమిత సమయంలో దాదాపు అందరి మహిళా అధికారులతో కలసి ఆడేది రా పాట కలసి పాడేది పాట అనే రీతిలో బత్కమ్మ ఆడారు.సంగీత నృత్యాలలో ప్రత్యేక అభినివేశం ఉన్న టీజీఓ సీనియర్ సభ్యులు శ్రీలీల తనదైన కొరియోగ్రఫీ తో సహచర సభ్యులను ఉత్సాహపరిచారు.

బత్కమ్మ వేడుకలకు హాజరయ్యిన టీజీఓ ఆడబిడ్డలకు సముచిత రీతిలో గౌరవించుకోవడానికి ఏలూరి శ్రీనన్న, సత్యమన్న ప్రత్యేక ఆప్యాయతను ప్రదర్శించారు. నిర్వహణలో పాల్గొన్న, వేడుకలలో పాల్గొన్న ప్రతి మహిళా అధికారికి తోడ్పాటు అందించిన ప్రతి సోదరుడికి సీతక్కతో ఆత్మీయ అభినందన సత్కారం చేయించారు.

సీతక్కతో విద్యార్థి, రైతాంగ ఉద్యమాలలో కలసి నడిచిన మన టీజీఓ సభ్యుడు థింక్ ట్యాంక్ ,రచయిత అస్నాల శ్రీనివాస్ అన్న ప్రత్యేక విభిన్నమైన కానుకను టీజీఓ ఆడబిడ్డలకు అందించాడు. మనం ఎవరిని ఐతే ముఖ్య అతిథిగా పిలిచిన సీతక్క జీవిత చరిత్రను “రణధీర సీతక్క ‘పుస్తక రూపంలో అస్నాల శ్రీనన్న వెలువరించారు.ఈ పుస్తకాన్ని తన జీవిత చరిత్రను తన చేతుల మీదుగా మహిళా అధికారులకు బహుమతిగా అందించారు.కష్టాల ఉద్యమాల కడలిని ఈది ఎదిగన వైనం,రాజ్య కాంక్ష అధికారం పై పురుషుల ఆధిపత్యం తీవ్రంగా ఉన్న చోట సీతక్క నెగ్గుక రావడం .ఆటుపోట్లను అధిగమించి తీరును దృశ్యమానం చేసిన పుస్తకం.రణధీర పుస్తకం చదవడం అంటే మనతో మనం సంభాషించుకోవడం లాంటిదే. మహిళా కార్యకర్తలకు కరదీపిక. సీతక్క కు ప్రత్యేకతను కల్పించిన క్రమం ఏంటిదో తెలుస్తుంది. ప్రతి టీజీఓ ఆడబిడ్డ రణధీర పుస్తకాన్ని అపురూప కానుకగా అక్కున చేర్చుకుని అద్వితీయ ఆనందానుభూతిని చెందారు.ఈ వేడుకలలో నేరుగా పాల్గొనక పోయినా పరోక్షంగా తనదైన ముద్రను వేసిన పాత్రను పోషించిన అస్నాల శ్రీనన్న కు ప్రత్యేక కృతజ్ఞతలు.

టీజీఓ మహిళా అధ్యక్షురాలు దీపారెడ్డి ప్రతి ఒక్కరిని కలుపకపోతూ మమేకమవుతూ ఉద్యమ నుండి సాయంత్రం వరకు నభూతో నా భవిష్యత్ అన్న రీతిలో ఆహ్లాదకర వాతావరణంలో బత్కమ్మలను ఏర్పాటు చేసారు.
ఈ వేడుకలో అన్ని తామై టీజిఓ ఆడబిడ్డల ఆనందానికి బత్కమ్మ ను కళాత్మక పండుగగా అపురూపంగా తీర్చిదిద్దడానికి టీజీఓ కేంద్ర సంఘ కృషికి ఆడబిడ్డల తరపున ప్రత్యేక ధన్యవాదాలు.సౌకర్యాల కల్పనలో.స్నాక్స్ అందించడంలో ప్రత్యేక శ్రద్ధ తీసుకున్నారు.ఏలూరి శ్రీనన్న,సత్యమన్న,శ్యామన్న , జగనన్న,పరమేశ్వర్ అన్న,రామ కృష్ణ గౌడ్ అన్న , కృష్ణ యాదవ్ అన్న , రామారావు అన్న. వెంకట్ గండూరి అన్నకు , ఇంకా ప్రతి ఒక అన్నకు అందరికీ టీజీఓ ఆడబిడ్డల తరపున ఆత్మీయ కరచాలనములు.టీజిఓ ఆడబిడ్డలకు ఒక పెద్ద కుటుంబం ,ఒక భరోసా, అంతా ఒకటే అనే అనిర్వచనీయమైన సంతోషాన్ని టీజీఓ బత్కమ్మ కలిగించింది.

వ్యాసకర్త : గోరటి అరుణ కుమారి.
Head of the Department.
Govt Institute of Leather Technology HYD