ఉద్యోగుల జ్వలన కాంక్షలను
ప్రభుత్వానికి ప్రసరింప చేసిన TGEJAC
సమస్యల పరిష్కారానికి
సామరస్యత సహకార ఆత్మీయత
ప్రథమ ప్రాధాన్యమన్న నేతలు
సమర అనివార్యత రాకూడదు
దౌత్య వారధిగా కోదండరాం సార్ ఉండాలని కోరుకున్న నేతలు
TGO NEWS (SEP. 25) : TGEJAC EXECUTIVE MEETING KEY DECISIONS. సుప్రసిద్ధ పార్లమెంటేరియన్, నవ్య మానవుడిగా జీవించిన పుచ్చలపల్లి సుందరయ్య విజ్ఞాన కేంద్రంలో 24/09/2024 రోజున TGEJAC అధ్వర్యంలో జరిగిన సుదీర్ఘ సదస్సు పలు రకాల భావోద్వేగాలకు వేదికగా నిలిచింది.
సన్మాన గ్రహీత PDSU విద్యార్థి సంఘం లో పని చేసి అది అందించిన స్పూర్తితో హక్కుల,తెలంగాణ రాష్ట్ర సాధనలో ఉద్యమకారుల ఉపాధ్యాయుడిగా,సారథిగా నిలిచిన ప్రొఫెసర్ కోదండరాం సార్ లో ఒకింత పరవశం ఆనందం అంతకు మించిన భాద్యత వంటి ఉద్వేగాలు తన ప్రసంగంలో ప్రస్ఫుటమయ్యాయి.ప్రజల మనిషి సుందరయ్య భవన్ లో తనకు జరిగిన సత్కారం సంతోషాన్ని,మరింత భాద్యతను పెంచింది అని అన్నారు.
వామపక్ష.ప్రగతి శీల వాదులకే కాకుండా.ఎలాంటి భావజాలం నేపథ్యం లేని సగటు ఉద్యోగిలో ,సాధారణ ప్రజలలో రాష్ట్ర సాధన ఆవశ్యకత కోసం ఆలోచనను రేకెత్తించిన,ఐక్యం చేసిన జీవత్వ మేధావిగా తెలంగాణ ఆధునిక సామాజిక చరిత్రలో వైతాళికుడిగా స్థానం పొందారు.
ఉద్యమానంతర స్వరాష్ట్రంలో కోదండరాం సార్ పై కొనసాగిన నిర్బంధం నిఘా వలన సార్ తాత్వికత చెదరలేదు.సమస్యల పై ప్రజా గొంతుకగా పని చేస్తూనే వెళ్లారు.ఉద్యమకాలంలో ఉద్యోగులతో కొనసాగిన స్నేహ వాత్సల్యం సొంత రాష్ట్రంలో కొనసాగలేకపోయింది.ఉద్యోగ వర్గాలలో సర్ పై అభిమానం ఉన్న బయటకు ప్రదర్శించని తనం కొనసాగించారు.సార్ ఇవేమీ పట్టించుకోకుండా స్థిత ప్రజ్ఞ స్వభావంతో తన పని చేసుకుంటూ వెళ్లారు.తన భావజాల్తో సారూప్యం ఉన్న కొన్ని ఉపాధ్యాయ,పౌర సంస్థలతో కలసి సామాజిక కార్యశీలిగా కొనసాగారు. పాలకవర్గంలో ప్రజా ప్రతినిధిగా భాగమైన తరవాత తన ప్రస్థానంలో ఎలాంటి మార్పు ఉండబోదు అని స్పష్టం చేసారు.సమస్యల పరిష్కారానికి తోవ చూపే మార్గంలో అన్ని వర్గాలకు అందుబాటులో ఉంటానని దౌత్యపరంగా,వారధిగా తన సేవలను అందిస్తామని చెప్పారు.
ఇక ఉద్యోగ జాక్ ఆకాంక్షలను నెరవేర్చే ఎజెండా ను తమ భుజ స్కంధాలపై వేసుకున్న ఆగ్ర నేతలు తమ ప్రసంగాలలో సమరం కంటే సామరస్య ఇచ్చి పుచ్చుకునే ధోరణిని ప్రదర్శించారు.అదే క్రమంలో పాలక వర్గం ఏమైనా తాత్సారం చేస్తే TGEJAC ను క్షేత్ర స్థాయినుండి పటిష్టం చేసుకోవడానికి తమ కోరికలను బలంగా వినిపించడానికి తగిన కార్యాచరణపై కూడా దృష్టి పెట్టారు.
TGEJAC EXECUTIVE MEETING KEY DECISIONS
సొంత రాష్ట్రంలో పాలన మార్పులో పది లక్షల ఉద్యోగ కుటుంబాలు కీలక పాత్ర పోషించాయి అనేది స్పష్టమైన అంశం.ఈ మార్పులకు చోదకశక్తిగా మారిన తమకు మెరుగైన ప్రయోజనాలను అందిస్తారనే ఆశతో ఉన్నారు.పది నెలలు గడుస్తున్న అనుకున్న మేరకు కదలికలు లేకపోవడం పై అసహన అశాంతి కి లోనవుతున్న ధోరణులు వ్యాపిస్తున్నాయి. EMI లు సకాలంలో కట్టలేక సిబిల్ స్కోర్ దారుణంగా పడిపోయి,నిల్వ చేసుకున్న డబ్బులు,ఆరోగ్య ఖర్చులు రాకపోవడంలో తీవ్రాతి తీవ్ర నైరాశ్యంలో ఉన్న ఉద్యోగవర్గానికి మొదటి తారీఖు జీతాలు.బదిలీలు కాస్త ఉపశమనం కల్గించిన, హోల్ సేల్ ప్రైస్ ఇండెక్స్,కన్స్యూమర్ ప్రైస్ ఇండెక్స్ లకు అనుగుణంగా జీత భత్యాల పెంపులో తీవ్ర అలసత్వం,కుటుంబ అవసరాలకు దాచుకున్న డబ్బుల మంజూరిలో సుధీర్ఘ పెండింగ్ వంటి అంశాలతో పాటు ఆర్థికంతో సంబంధం లేని అనేక సర్వీస్ అంశాలు ఇంకా అపరిష్కృతంగా ఉన్న వైనం కొనసాగుతూనే ఉన్నది.ఉద్యోగుల వైద్యము కోసం ఉన్న EHS అమలులో దారుణంగా వైఫల్యం,ప్రవేట్ కార్పోరేట్ ఆస్పత్రుల నిరాకరణ వంటి అంశాలు మానసికంగా ఆర్థికంగా ఉద్యోగులను వేదనకు గురిచేస్తున్నాయి.తమ జీతంలో కొంత భాగం ఇస్తామని వాటితో EHS ను పటిష్టంగా అమలు చేయమని కోరుతున్నాయి.ఈ అంశంలో కూడా ఒక అడుగు ముందు పడటం లేదు.కేరళలో 70% ప్రజలు ఉద్యోగుల ప్రభుత్వ వైద్యం పై ఆధారపడతారు.ఉద్యోగుల వాటాతో స్టేట్ ఆఫ్ ఆర్ట్ సౌకర్యాలతో ప్రత్యేక హాస్పిటల్స్ ఏర్పాటు చేసిన ఈ అంశం ఏపీ ఉద్యోగుల ఆందోళన తగ్గే అవకాశం ఉంది.మారుతున్న వాతావరణం.ఆహార కల్తీ మొదలగు అంశాల వల్ల పలు సీరియస్ క్రానిక్ వ్యాధులకు ఉద్యోగ వర్గం లోనవుతున్నది.లక్షల రూపాయలు ఖర్చు అవుతున్నది.
రాష్ట్ర ప్రభుత్వ ఉద్యోగ వర్గంలో అత్యధిక సంఖ్యలో సి పి యస్ ఉద్యోగుల ఉన్నారు.వీరు పై సమస్యలతో పాటు ఉద్యోగ భద్రత,పదవి విరమణ అనంతరం ఉండే ఆర్థిక సౌకర్యం భరోసా లేమితో ఆందోళనతో తమ ఉద్యోగ విధులను కొనసాగిస్తున్నారు.ఓపియస్ పునరుద్దరణే శ్వాసగా ఉద్యమిస్తున్నారు.
ఈ సుదీర్ఘ సదస్సు అగ్ర నేతల మార్గం జగదీష్,ఏలూరి శ్రీనివాస రావు కో ఆర్డినేషన్ తో క్రమశిక్షణతో కొనసాగింది.చైర్మన్ జగదీష్ వాగ్గేయకార ప్రసంగంతో ఉద్యోగ సంఘ నేతలను ఉత్తేజ పర్చాడు.
తెలంగాణ తత్వం ను ప్రతిఫలింప చేసే దాశరథి నందిని సిద్దారెడ్డి గీతాలతో ప్రసంగించారు.TGEJAC ఏర్పాటు నిర్మాణం విస్తరణ అవశ్యకతను ఏలూరి శ్రీనివాస్ విపులంగా వివరించారు.
TGEJAC లోని అన్ని సంఘాలు తమ కంటూ ప్రత్యేక తాత్వికతను కల్గి ఉంటూ సామాజిక భాద్యతతో పని చేస్తున్నవే ఉన్నాయి.మహా గొప్ప ఐక్యతకు విఘాతం కలిగిస్తున్న కాగితం పులుల మీద నిప్పులు చెరిగారు.ఏ రకమైన నిర్మాణంలో లేని వారు.ప్రజాస్వామికంగా ఎన్నిక కానీ వారు.గతంలో ,ప్రస్తుతం ఉద్యోగ వర్గాలకు,తెలంగాణ సమాజానికి ఏ విధంగా పని చేయని ప్రతి ఘాతక విచ్ఛిన్న కర శక్తులను నిర్వీర్యం చేయాలని కోరారు.ఈ చిల్లర మనుషుల ఏర్పాటు చేసిన జాక్ ప్రామాణికత ఏంటో మీడియా ,ప్రభుత్వ పెద్దలు నిర్ధారణ చేసుకోవాలని కోరారు.అనవసర ప్రాధాన్యం ఇస్తూ ఉద్యోగ వర్గాలను,పౌర సమాజాన్ని గందర గోళం చేస్తున్న ఈ మానసిక దౌర్బల్య ముఠా ను ఈసడించుకోవాలని కోరారు.
సోనియమ్మ ఇచ్చిన తెలంగాణ కోసం నిత్యం పరిశ్రమిస్తున్నవారం.తల్లి బిడ్డల పేగు బంధం భావనను తెలంగాణ ఉద్యోగ వర్గం కల్గి ఉంది.గౌరవ సి యం తమతో చర్చలు జరపాలని తమకు పెద్దన్నగా వ్యవహరించాలని కోరుకున్నారు.తెలంగాణ కొండ గుర్తు సాంస్కృతిక ఆత్మ బత్కమ్మ దసరా సంబురాలని అద్వితీయ రీతిలో గౌరవ రేవంత్ రెడ్డి సమక్షంలో లాల్ బహదూరు స్టేడియంలో జరుపుకోవాలనే ఆత్మీయ ఆకాంక్షను వెలిబుచ్చారు.ఏది ఏమైనా ఈ సమావేశం సంఘటితములోనే ఐక్యతలోనే సమస్యల పరిష్కారం ఉందనే సత్యాన్ని ఈ వేదిక ప్రతీకగా నిలిచింది.ఉత్సాహభరిత చైతన్యాన్ని ,ఆశావాహతను అందించడంలో సఫలీకృతమయ్యింది.
