హన్మకొండ, వరంగల్ టీజీవోస్ కార్యవర్గ సమావేశంలో కీలక డిమాండ్లు

TGO NEWS (MAR ) : WARANGAL and HANUMAKONDA TGOS MEETING. హనుమకొండ టీజీఓ భవన్ లో జరిగిన హనుమకొండ మరియు వరంగల్ జిల్లాల కార్యవర్గ సమావేశంలో హనుమకొండ అధ్యక్షులు మురళీధర్ రెడ్డి గారు, కార్యదర్శి డాక్టర్ ప్రవీణ్ కుమార్ గారు, వరంగల్ జిల్లా అధ్యక్షులు రాంరెడ్డి గారు, కార్యదర్శి ఫణి కుమార్ గారు, హనుమకొండ కోశాధికారి రాజేష్ కుమార్ గారు, వరంగల్ జిల్లా కోశాధికారి ఈగ వెంకన్న గారు రెండు జిల్లాల కార్యవర్గ సభ్యులతో పాటు మహిళా గెజిటెడ్ అధికారులు పాల్గొన్నారు.

WARANGAL and HANUMAKONDA TGOS MEETING

హనుమకొండ జిల్లా అధ్యక్షులు శ్రీ మురళీధర్ రెడ్డి గారి సభాధ్యక్షతన జరిగిన ఈ కార్యవర్గ సమావేశానికి ముఖ్య అతిథిగా రాష్ర్ట టీజీఓ ఉపాధ్యక్షులు శ్రీ అన్నమనేని జగన్ మోహన్ రావు గారితో పాటు ఆత్మీయ అతిథులుగా రాష్ర్ట కార్యదర్శులు కోలా రాజేష్ కుమార్ గౌడ్ గారు మరియు ఆసనాల శ్రీనివాస్ గారు పాల్గొన్నారు.

ఈ సమావేశంలో పలు తీర్మానాలను ఆమోదించడం జరిగింది

1) PRC, DA, హెల్త్ కార్డ్స్, శాఖల వారీగా ఉన్న సమస్యల సాధనకు కేంద్ర నాయకత్వానికి సంపూర్ణ మద్దతునిస్తూ , కేంద్ర నాయకత్వం ప్రకటించే కార్యాచరణలో పెద్ద ఎత్తున పాల్గొంటామని తీర్మానించడమైనది.

2) 2025 సంవత్సరానికి గాను సభ్యత్వ నమోదు ప్రక్రియ 100% పూర్తి చేస్తామని తీర్మానించడమైనది.

3) ఇప్పటివరకు సమర్పించిన అకౌంట్స్ కు ఆమోదం తెలుపుతూ తీర్మానించడమైనది.

4) టీజీవో భవన్ రెండవ అంతస్తు నిర్మాణం త్వరితగతిన చేపట్టడానికి మరియు పూర్తి చేయడానికి తగిన సహాయ సహకారాలు అందిస్తామని తీర్మానించడమైనది.

5) ప్రస్తుత టీజీవో మహిళ కమిటీ సూచనల మేరకు పూర్తిస్థాయి టీజీవో మహిళా కమిటీని ఏర్పాటు చేసే బాధ్యతలు హనుమకొండ మరియు వరంగల్ జిల్లాల కమిటీకి అప్పగిస్తూ తీర్మానించడమైనది.

6) టిజిఓ భవన్ నిర్వహణ ఖర్చుల పద్దును ఆమోదిస్తూ తీర్మానించడమైనది.
పై తీర్మానాలన్నీ కార్యవర్గ సభ్యులందరు ఏకగ్రీవంగా ఆమోదించడం జరిగింది.