హైదరాబాద్ (ఫిబ్రవరి 28) : Womens day 2025 celebrations by TGOS. అంతర్జాతీయ మహిళా దినోత్సవం సందర్భంగా వచ్చే నెల 6, 7 తేదీలలో దోమలగూడ లోని ప్రభుత్వం కాలేజ్ ఆఫ్ ఫిజికల్ ఎడ్యుకేషన్ గ్రౌండ్ లో క్రీడలు, సాంస్కృతిక కార్యక్రమాలు నిర్వహించనున్నట్లు తెలంగాణ గెజిటెడ్ ఆఫీసర్స్ సెంట్రల్ అసోసియేషన్ చైర్ పర్సన్ డా.జి.దీపారెడ్డి, కన్వీనర్ శ్రీమతి జె.సుజాత తెలియజేశారు.
Womens day 2025 celebrations by TGOS.
ఈ కార్యక్రమం ప్రారంభోత్సవానికి ముఖ్య అతిథిగా రాష్ట్ర పంచాయతీరాజ్ శాఖ మాత్యులు శ్రీమతి సీతక్క, ముగింపు ఉత్సవాలకు దేవాదాయ శాఖ మాత్యులు కొండా సురేఖ విచ్చేస్తారని ఆమె తెలిపారు.
ఈ సందర్భంగా అంతర్జాతీయ మహిళా దినోత్సవ వేడుకల వాల్ పోస్టర్ ను రాష్ట్ర ప్రభుత్వ ప్రధాన కార్యదర్శి శాంతికుమారి ఈ రోజు సచివాలయంలో అవిష్కరించారు.
ఈ కార్యక్రమంలో రాష్ట్ర గెజిటెడ్ ఆఫీసర్స్ అసోసియేషన్ అధ్యక్షులు ఏలూరి శ్రీనివాస్ రావు గారు, ప్రధాన కార్యదర్శి సత్యనారాయణ గారు, సహా అధ్యక్షులు శ్యామ్ గారు, సచివాలయ గెజిటెడ్ ఆఫీసర్స్ అధ్యక్షులు ఇరగోటి నాగరాజు, గెజిటెడ్ ఆఫీసర్స్ మహిళా సంఘం నేతలు శ్రీమతి జి.దీపారెడ్డి, కన్వీనర్ శ్రీమతి జె.సుజాత, శ్రీమతి లతా (సహాయ కార్యదర్శి), పరమేశ్వర్ రెడ్డి, డాక్టర్ రామారావు, రంగారెడ్డి జిల్లా అద్యక్షులు, డాక్టర్ శ్రీరామ్ రెడ్డి, సిద్దిపేట జిల్లా అధ్యక్షులు తదితరులు పాల్గొన్నారు.
