TGO NEWS (MAR. 06) : Women’s day 2025 celebrations started by TGOS. తెలంగాణ గెజిటెడ్ అధికారుల సంఘం ఆధ్వర్యంలో ఫిజికల్ ఎడ్యుకేషన్ కళాశాల దోమలగూడ ప్రాంగణంలో మహిళా దినోత్సవ క్రీడా సాంస్కృతిక కార్యక్రమాలు ఘనంగా ప్రారంభమయ్యాయి. పి సి సి అధికార ప్రతినిధి అద్దంకి దయాకర్ , స్పోర్ట్స్ అథారిటీ చైర్మన్ శివసేనారెడ్డి ,టిజిఓ అధ్యక్షుడు ఏలూరి శ్రీనివాసరావు లు ళవేడుకలను ప్రారంభించారు.
Women’s day 2025 celebrations started by TGOS
ముఖ్య అతిథి అద్దంకి దయాకర్ మాట్లాడుతూ… మహిళలు ఆకాశం హద్దుగా ఎదగాలని కోరారు.మహిళలు ప్రస్తుతం అనుభవిస్తున్న హక్కులు, రక్షణలు వెనుక వేలాది మంది సాంఘిక సంస్కర్తలు, సంస్థల పోరాటాలు, త్యాగాలు ఉన్నాయని అన్నారు. అంబేద్కర్ రూపొందించిన హిందూ కోడ్ చట్టం మహిళా జీవితాలలో గొప్ప విప్లవాత్మక మార్పు తెచ్చిందని అన్నారు. విద్యా, ఉద్యోగ, వివాహ, ఆర్ధిక హక్కులను కల్గించిందని అన్నారు. ఇంకా సమాజంలో పురుషాధిపత్య భావాలు ప్రబలంగా ఉన్నాయని, వీటిని తొలగించడం కోసం బాల్య దశలో ప్రత్యేక శ్రద్ధ తీసుకోవాలని శివాజీకి జిజియా భాయిలాగా తల్లులందరు భాద్యత తీసుకోవాలని కోరారు. పుట్టుక మన కోసం కాదు సమాజం కోసం పని చేయాలని కోరారు. రాష్ట్ర ప్రభుత్వం కోటి మంది మహిళలను కోటీశ్వరులుగా మార్చే కార్యక్రమాలను నిబద్ధతతో కొనసాగిస్తున్నదని అన్నారు.
శివసేనా రెడ్డి మాట్లాడుతూ… క్రీడలు మహిళా శారీరక మానసిక ఆరోగ్యాన్ని ప్రభావితం చేస్తాయని వాటి వల్ల వారిలో మరింత ఉత్పాదకత పెరుగుతుందని తెలిపారు. ప్రభుత్వం తరపున మహిళా స్పోర్ట్స్ క్లబ్ ల ఏర్పాటు, క్రీడా సామాగ్రి పంపిణీకి కృషి చేస్తానని తెలిపారు.
టీజీఓ అధ్యక్షుడు ఏలూరి శ్రీనివాసరావు మాట్లాడుతూ…
శక్తి మేరకు పని చేసి అవసరం మేరకే ఉపయోగించుకునే సంస్కృతి తెలంగాణ మహిళలకు ఉందని ఆ సాంప్రదాయాన్ని భూమి పుత్రికలైన మహిళా అధికారులు కొనసాగిస్తున్నారని అన్నారు. విధానాల రూపకల్పనలో, నిర్ణయాలు తీసుకునే ప్రక్రియలో మహిళా అధికారులకు ఎక్కువ ప్రాధాన్యత ఇవ్వడం కోసం ప్రభుత్వంపై ఒత్తిడి తీసుకురావడం జరుగుతుందని అన్నారు.
టీ జి ఓ మహిళా విభాగం నేతలు డాక్టర్ దీపా రెడ్డి, జక్కంపూడి సుజాత, శిరీష ల నేతృత్వంలో జరిగిన ఈ వేడుకలలో అన్ని ప్రభుత్వ శాఖల నుండి వివిధ జిల్లాల నుండి మహిళా అధికారులు పెద్ద ఎత్తున క్రీడా పోటీలలో పాల్గొన్నారు. అనంతరం తెలంగాణ సంస్కృతిని చరిత్రను ప్రతిబింబించే నృత్య, గేయాలు, నాటికలను ప్రదర్శించారు.
ఈ కార్యక్రమంలో ఫిజికల్ ఎడ్యుకేషన్ కళాశాల డైరెక్టర్ రామ్ రెడ్డి, టీజీఓ ప్రధాన కార్యదర్శి సత్యనారాయణ, సహ అధ్యక్ష్యుడు శ్యామ్, ఉపాద్యక్షుడు ప్రొఫెసర్ మల్లేశం, సహదేవ్, శ్రీనివాస మూర్తి, నవీనా జ్యోతి, సురేష్, కార్యదర్శి హరి కృష్ణ, పరమేశ్వర్ రెడ్డి, హైద్రాబాద్ నగర అధ్యక్షుడు గండూరి వెంకట్, జిల్లా అధ్యక్ష్యుడు కృష్ణ యాదవ్, రంగారెడ్డి నేత రామారావు శ్రీనిష్, మేడ్చల్ నేత వినోద్ కుమార్, కురుమూర్తి, సంగారెడ్డి వైద్యనాధ్, సంతోష్, నాగర్ కర్నూల్ సంజీవ్ లతో పాటు వందల సంఖ్యలో మహిళా అధికారులు పాల్గొన్నారు.
