TGO NEWS (MAR. 05) : Women’s day celebrations on march 7th by TGOS. మహిళా హక్కులు, సమానత్వం, సాధికారత సాధించడానికి కావాల్సిన పాలన విధానాలను ప్రక్రియల అమలును వేగవంతం చేయడానికి ఉద్దేశించిన ఈ సంవత్సరపు మహిళా దినోత్సవం వేడుకలను ఘనంగా జరుపుకోవడానికి తెలంగాణ గెజిటెడ్ అధికారుల సంఘ నిర్ణయించింది.
Women’s day celebrations on march 7th by TGOS
ఈ నేపథ్యంలో రాష్ట్ర ప్రభుత్వం లింగ సమానత్వం, మహిళల సాధికారతకు, శ్రమలో, ఉత్పత్తిలో, పాలనలో సమానమైన భాగస్వామ్యం కోసం తీసుకుంటున్న చర్యలను జన సామాన్యంలో తీసుకురావడానికి పలు కార్యక్రమాలను నిర్వహిస్తున్నది.
ఉద్యమ స్ఫూర్తితో టీ జి ఓ మహిళా విభాగం నేతృత్వంలో జరిగే మహిళా దినోత్సవ ఉత్సవాలను విజయవంతం చేయాలని విజ్ఞప్తి చేస్తున్నట్లు ఈ సందర్భంగా టీజీవోస్ మహిళా విభాగం అధ్యక్షురాలు దీపారెడ్డి, కార్యదర్శి సుజాత తెలిపారు.
ఇందులో భాగంగా మార్చ్ 6 న దోమలగూడ ఫిజికల్ ఎడ్యుకేషన్ కళాశాల ప్రాంగణంలో పలు విభాగాలలో క్రీడా సాంస్కృతిక పోటీలను నిర్వహిస్తున్నామని, ఈ పోటీలను మహిళా శిశు సంక్షేమ శాఖ మంత్రి డాక్టర్ ధనసరి సీతక్క ప్రారంభిస్తారని తెలిపారు.
మార్చ్ 7 న చరిత్ర నిర్మాణంలో మహిళలు, మహిళా హక్కుల సాధన పోరాటాలు, రాజ్యాంగ చట్ట పరి రక్షణలు, తెలంగాణ మహిళా వైతాళికులు, మహిళా ఉద్యోగుల ప్రత్యేక హక్కులు అంశాల పై సదస్సును నిర్వహిస్తున్నామని తెలిపారు
ఈ సదస్సులో శాసన మండలి సభ్యులు ప్రొఫెసర్ కోదండరామ్, ప్రభుత్వ ప్రధాన కార్యదర్శి శాంతి కుమారి, మహిళా అభివృద్ధి సంచాలకులు క్రాంతి వెస్లీ, కాంగ్రెస్ అధికార ప్రతినిధి అద్దంకి దయాకర్, టీజీఓ అగ్రనేతలు ఏలూరి శ్రీనివాసరావు, సత్యనారాయణ శ్యామ్ లు పాల్గొంటున్నారు.
మార్చి 7 న సాయంత్రం జరిగే ముగింపు సమావేశాలకు దేవాదాయ అటవీ శాఖ మంత్రి కొండా సురేఖ ముఖ్య అతిథిగా హాజరవుతారని తెలిపారు.
ఈ రెండు రోజుల కార్యక్రమాలలో 33 జిల్లాల నుండి మహిళా అధికారులు పెద్ద ఎత్తున పాల్గొని విజయవంతం చేయాలని పిలుపునిచ్చారు.
